Dialecten: Praet en schrief joe
ut oak nog?

13 augustus 2018, 11:25

Wiele binne d'r trots op! Op Goeree-Overflakkee zijn er 4 dialecten. Dat zijn: Het Goerees, het Westflakkees, het Oostflakkees en het Rooms-katholiek-Flakkees. Alle dialecten hebben veel gemeenschappelijke kenmerken.

De zevende emel

Vliege wil jou
mit mien
naer de zevende emel

bestaet er oak
een achtste emel
dan wil ik daer nie een

want zoveul liever nog
bluuf ik ier bie joe m'n lief
bie jou aljin

De gele vlinder

'N gele vlinder
fladdert
telkus om me een
ie stiegt op
in komt weer trug

ik vraeg waer is
je reis noe een
ie fladdert vader
in verdween
komt ie weer trug?

Nel Saarloos-van Otzel ( Oude-Tonge)
en maor deur gaen
de weareld draoit mar deur
in wiele draoie der mee omme
waerom staet 'n niet effe stille
laet ons un bietje biekomme

die draoerige drukte
je zouw der uutgeput van raeke
dun te korten tied
daer mot je wat van maeke

as wiele dan un aogenblik
stille staen bie 't beleeve
dat de aerde draoe bluuft
in mensen den vaert d'r an geeve

Vlam maor
Tot an den einder
drieven plokken donker
naer de nacht
den volmacht
van den toren
laet zun bundel schiene

noe verdwiene
laeg de silhouetten
hoager zien we
1 2 3
de pozen der tussen

't baeken
veur wie 't licht verkose

tussen
land en zee
ebbe en vloed
wel en wee
daegeraed in aevondgloed.

Frouke Bienefelt. (Ouddorp)